მადგენლობა: ყოველი ტაბლეტი შეიცავს: აქტიურ ინგრედიენტებს: ენალაპრილ მალეატი 10,0 მგ ჰიდროქლორთიაზიდი 25,0 მგ
ჩვენებები: ნაპრილ H ბენე ფარმი ნაჩვენებია ჰიპერტენზიის სამკურნალოდ, როდესაც ფიქსირებული კომბინირებული თერაპია, უფრო მიზანშეწონილია, ვიდრე მონოთერაპია.
უკუჩვენებები: ჰიპერმგრძნობელობა ნაპრილ H ბენე ფარმის ნებისმიერი კომპონენტის მიმართ, ანამნეზში ანგიონევროზული შეშუპების არსებობა პაციენტებში, რომლებიც ანგიოტენზინ-გარდამქმნელი ფერმენტის ინჰიბიტორებით მკურნალობდნენ. ჰიპერმგრძნობელობა სულფონამიდ-წარმოებული სხვა პრეპარატების მიმართ. ორსულებსა და მეძუძურებში. ანურია.
დოზირება და გამოყენების მეთოდები: ჰიპერტენზია ჩვეული დოზირება არის ერთი ტაბლეტი დღეში ერთხელ. საჭიროების შემთხვევაში დოზა შეიძლება გაიზარდოს მაქსიმუმ ორ ტაბლეტაბმდე, დღეში ერთხელ.
დოზირება თირკმლის უკმარისობის დროს: პაციენტებისათვის თირკმლის უკმარისობით, თიაზიდები შეიძლება არ აღმოჩნდეს შესაბამისი შარდმდენები და არაეფექტურია კრეატინინის კლირენსის 30 მლ/წთ-ზე დაბალი მაჩვენებლების (ანუ თირკმლის ზომიერი ან მძიმე უკმარისობა) დროს. ნებისმიერ პაციენტში თირკმლის უკმარისობით, ნაპრილ H ბენე ფარმი ტაბლეტები არ გამოიყენება საწყისი თერაპიის სახით. ნაპრილ H ბენე ფარმი ტაბლეტების გამოყენება შესაძლებელია პაციენტებში კრეატინინ კლირენსის >30 და <80 მლ/წთ მაჩვენებლებით და მხოლოდ ინდივიდუალური კომპონენტების ტიტრირების შემდეგ.
შენახვის წესები: შეინახეთ კარგად დახურულ კონტეინერში, მშრალ ადგილას. დაიცავით სინათლისაგან. ინახება არა უმეტეს 25 C ტემპერატურის პირობებში. შეინახეთ ბავშვებისათვის მიუწვდომელ ადგილას.
